كل شي منك كنت متوقع يكون
الا الغدر ماكنت حاسب له حساب
يلعن سنينك كيف حبي لك يهون
وانا عشانك بعت غالين واحباب
ارخصت ناس بعمرهم لي يضحون
وصرت انت ناسي واهلي وكل الأصحاب
عالروح بديتك ولاغيرك يمون
وبالقلب ضميتك ولاجابك غياب
حطيتك بعين وبكيت لجلك عيون
ولاموني بحبك قريبين واغراب
ماكني اسمع شي يوم يلومون
طنشتهم والحب كافر وغلاب
ماكنت افكر يزعلون او يرضون
دام انت راضي من يزعل يمسك الباب
ماهو مهم لو اخسر بحبك الكون
انت المهم والباقي بعيني ترااااااااب
ياكثر كنت بوقتها فيك مفتون
يوم الخفوق يزيد كل لحظه إعجاب
كم كنت متولع بحبك ومجنون
وكم اشتعل هالقلب بعيونك وذاب
وشلون تتركني جريح ومطعون
وتروح ماهمك إذا كنت منصاب
كذا تخليني بهالوضع مركون
وانا إللي لعيونك ارخصت الأرقاب
حتى الكلاب تموت ولايمكن تخون
توفي لصاحبها وهي لمة كلاب
كل شي كنت متوقع وربي يكون
إلا الغدر ماكنت حاسب له حساب
أعـجـبتني وحبيت انقـلها لـكمـ
الجمعة أبريل 16, 2010 10:35 am من طرف الحلم الهادئ
