##الغربه##

ابد لاتسأليني بغربتي عن أخر الأخبار
عمت عين السفر دامي أذوق المر من كأسه
أنا الي ابي أسألك قولي جواب بكلمتين صغار
بلد من دونك وش يسوى بعيني يابعد ناسه
حقيقه ماأطيق البعد لو بيننا أمتار
ولكن هالفراق أقوى ولا ينفع به سياسه
ترى لولا أتصالتك رغم الي يدق كثار
حشى ما فيه أحد غيرك يرد لصدري أنفاسه
الإ ياشوق خفقاً ضويتي ظلمته أنوار
وصار اليوم ينبض لك مشاعر حيل حساسه
تبين تدرين بفراقك معي يالغاليه وش
صار تبين تعرفين مجنونك وش الي قضباً راسه
لك الله عيش بحالي لحالي شاعراً منهار
وأنا كل ما طريتيلي صرخ شعري بقرطاسه
يمر يومي ولابه غير همي والحزن زوار
عسى الله يرحمه حالاً غداء هاالإثنين جلاسه
شحن جوالي إنهيته أقفله وأفتحه أمرار
قسم لولا رسايلنا حبيبك قاتله ياسه
فقدتك والدمع لامن فقدتك يفضح الاسرار
ولا أشره على وقتاً به الأيام دساسه
أسلي نفسي بكثر الأماني وليدين قصار
وأنام وربي العالم وش الي خاطري حاسه
كني من ملك أسهم يبي تضحك له الأقدار
وقدم كل ما عنده وفجاه أعلان أفلاسه
كاأني طالب بغربه تذكر عايلته والدار
وهو كل ما تذكر أمه ملا هالدمع كراسه
أعاني كثر ما تملك و مالك بالحشى تذكار
أحبك والبلاء حبك ما أملك قياسه
جعل في داخلي عرق سمع بك يالغلاء ما ثار
يموت وشلي بعرقاً بوصالك ميت أحساسه
حياتي تسأليني عن جديدي بالشعر و أحتار
وش أكتب لك شعر وأنتي غديتي اليوم نبراسه
ولكن أوعدك شعراً بأقوله يتعب الشعار
متى ما شفتك موعد لقانا دقة أجراسه
لإن ما فيني أتحمل بعدك بسفر وأنهار
عسى الله لايعيدها سفره ولو كانت دراسه




وش رااااااااااااااااايكم

السلام عليكم ورحمة الله وبركاته
عندك شي هذا متأكد منه بداخلك شاعر ماحد يقدر ينكره
لكن
اذا الأخطاء الاملائيه معدومه اتصور الأبيات به كسر
وعشان يتضح لك الوزن
اذا كتبت بيت خل أللي بعده ع نفس اللحن
وبكذا تكون الأبيات موزونه
ما أدعي الشاعريه والعلم بالأوزان
لكن
معلومه أكتسبته وحبيت أوضحه
ووجهة نظر تحتمل الخطأ والصواب
.
.
.
لك فائق احترامي

وااااااااااااي جوناااااااااااااان ..

قلبي وربي جبتيها على الجرح بس مو دراااسه زوااااج ..